Galdakaok musika-eskaintza anitza proposatzen du: Txomin Artola, kaleko swinga eta tokiko rocka

2016/12/05

Musika-erakusleiho izango da Galdakao hilabete honetan: proposamen ugari eta askotarikoak izango dira hilaren 16an, 17an eta 18an. GaldakaON goiburuarekin, kartel zabala eskainiko da. Euskal musikaren erreferente diren Txomin Artola, Gontzal Mendibil eta Urko Torrezabalen izango dira, eta tokia egingo zaie ere bertako taldeei, kasu honetan, rockean dihardutenei: Free the Wheel, Txirlora eta Midnight road.


Gainera, «Swing eguna» egingo da, beraz, Lindy hopa dantzatuko da Galdakaoko kaleetan, 1920ko hamarkadako AEBetako hegoaldeko giroarekin (New Yorkeko Savoy aretoa izan zen dantza horren muina, Ella Fitzgerald, Chick Webb eta beste batzuen eskutik).


Andre eta Fosy gasteiztarrek, swingaren mekanikoek, dantza dibertigarri hori ikasteko aukera ekarriko dute Galdakaora, nazioarteko hainbat jaialditatik igaro ondoren.


«Hiru musika-egun izango dira, bakoitza estilo batekoa, eta publiko handiarengana iritsiko dira. Galdakaok musika-estilo ezberdinekin konektatzen jarraitzea nahi dugu; hala, artista ospetsuak ekarriko ditugu, tokiko taldeak sustatuko ditugu eta eskaintza originalei aukera emango diegu», laburbildu zuten Kulturako zinegotzi Ainhoa Agirregoikoak eta Gazteriako zinegotzi Koldo Goioagak kartelaren aurkezpenean.


Honako hau da egunotarako programa:


Ostirala, abenduak 16.


Txomin Artolaren, Gontzal Mendibilen eta Urkoren kontzertua.


Torrezabal Kultur Etxea (21:00).


Salneurria: 15 euro. Deskontuak TKEren bazkideentzat (11 euro) eta 65 urtetik gorakoentzat, langabeentzat eta gazte txartela duten gazteentzat (13 euro).


Larunbata, abenduak 17.


Tokiko taldeen rock kontzertua: Free the Wheel, Txirlora eta Midnight road.


Torrezabal Kultur Etxea (21:00. Sarrera doan).


Igandea, abenduaren 18.


Swing eguna.


12:00-14:00. Swing tailerra, swingaren mekanikoen eskutik.


Kurtzeko Plaza. Izen-ematea doan (11:30).


Euria egingo balu, Gandasegin.


17:00. Kaleko swinga, Castigators taldearekin, Kurtzeko Plazatik abiatuta.

 

Berriak

 

Lizitazioak
Kiroldegiko erreserbak, aurreinskripzioak eta ikastaroak