Galdakaoko Udalak 3,5 milioi euro bideratuko ditu udalerrian hainbat jarduera egiteko

2015/07/30

Galdakaoko
Udaleko gobernu-taldeak 3,5 milioi euro bideratuko ditu aurten
udalerrian hainbat jarduera egiteko, osteguneko ohiko osoko bilkuran
onartu zuten aurrekontu-aldaketaren arabera.

Besteak beste, Santa
Barbara futbol-zelaiko belar artifiziala berrituko dute eta hango
instalazioak hobetuko dituzte (330.000 euro), hiriko altzariak jarriko
dituzte (25.000), Urretako erdiko kantxa berrituko dute (140.000 euro),
eraginkortasun energetikoa handituko dute (100.000 euro) eta Bizkaia
kalean aparkaleku publiko berria jartzeko aurreproiektua sortuko dute
(15.000). 

Galdakaoko Udalak 1,8 milioi euroko diru-laguntza bat
sortu du irabazi asmorik gabeko pertsonei eta erakundeei (elkarteak,
kultura-taldeak, klubak, etab.) emateko. Ohiko osoko bilkurak 45
erakundek jasoko dituzten diru-laguntza izendunak onartu ditu, guztira
296.000 eurokoak.

Herrian hainbat arlotako jarduera
(berdintasuna, mikologia-gastronomia, floklorea, mendizaletasuna,
areto-dantzak, ondare kulturala eta historikoa, kirola) antolatzen edo
antolatzen laguntzen duten kultura-, kirol- eta gizarte-elkarteak dira.

Goi-kargudunen
eta kabineteko langileen ordainsariak ezartzeko Alkatetzaren erabakia
onartu dute, ostegun honetan Galdakaoko Udaletxean egin duten ohiko
osoko bilkuran.

Onartutakoaren arabera, honako hauek izango dira urteko ordainsari gordinak:
Alkatea: 71.095 euro.
Lehen alkateordea (dedikazio osoa): 63.985 euro.
Zinegotzi delegatua (% 75eko dedikazioa): 47.989 euro.
Zinegotzi delegatua (% 50eko dedikazioa): 31.992 euro.
Aurrekontuen, Antolaketaren eta Giza Baliabideen zuzendaria: 58.999,81 euro.
Herritarren Arretarako eta Komunikazioko zuzendaria: 58.999,81 euro.
Alkatetzako idazkaria: 38.412 euro.

Aurrekontuen,
Antolaketaren eta Giza Baliabideen zuzendariak aurretik adierazitakoa
baino % 25 gehiago jasoko du, dedikazio berezia izango baitu (beti egon
beharko du lanerako prest).

Herritarren Arretarako eta
Komunikazioko zuzendaria aurretik adierazitakoa baino % 20 gehiago
jasoko du, dedikazio berezia izango baitu (beti egon beharko du lanerako
prest).

Ildo horretatik, Galdakaoko Udalak gardentasuneko atari
bat jarriko du martxan urte honen amaieran, interes publikoa duen
informazio guztiak biltzeko.


Azkenean, gobernu-taldeak aurkeztutako proposamenari, UH eta PP taldeak emon dotsie euren aldeko bozka. Alkateak eskerrak emon dotse, adieraziz “aurrekontu aldaketa honek udal osoaren onurako” egiten dala. Beste talde politikoek abstentzioaren aldekoak izan direz, Galdakao Orain eta Galdakao Bizirik-Irabazi, EHBildu kontran egin dauen talde bakarra izanik.

 

Berriak

 

Lizitazioak
Subentzioak
Udalekuak
Zure zain Hodei Egiluz