Galdakaoko Udalak hondakinak gaika biltzeko zerbitzu berri bat ezarri du

2014/11/28

Galdakaoko Udalak hondakinak gaika biltzeko zerbitzu berri bat jarri du martxan. Zerbitzu berri horretan, bost minigune garbi eta finko daude, beste bat, aldiz, mugikorra. Gune horietan, orain arte edukiontzi zehatzik ez zuten etxeko hondakinak birziklatuko dira, adibidez, CDak, kontsumo txikiko bonbillak, inprimagailuen kartutxoak, etab.


Herritarrek zerbitzu berri horren ezaugarrien berri izateko eta zerbitzu hori badagoela jakiteko nahiz zerbitzua erabiltzeko, diptiko informatibo baten eta azalpen-kartelen bidez, kanpaina bat jarriko da martxan. Diptiko eta kartel horietan, “gune garbi” horiek non dauden zehaztuko da, baita “gune garbi mugikorraren” kokapen desberdinei buruzko egutegia ere. Izan ere, gune mugikor hori herri osoan barrena modu ibiltarian mugituko da, eta leku bakoitzean, 24 orduan egongo da.


Diptiko horrek gune mugikor horren egutegia jarraituko du. Horrela, herritarrek gune horri buruzko informazioa jasoko dute gune mugikorra gertu duten egun horretan. Ondorioz, herritar gehiagok izango dute gune mugikorraren berri.


«Programa honen onurak zalantzarik gabekoak dira. Horietako batzuk aipatzearren, adibidez, etxeko hondakinak bereiztean erraztasun handiagoa ematea, hondakinen ingurumen-eragina gutxitzea, produktu berriak fabrikatzean lehengaiak aurreztea», nabarmendu du Hirigintzako zinegotzi Amaia Betolazak zerbitzu berria hau aurkezteko komunikabideen aurrean egindako agerraldian. Bertan, Galdakao Limpieza Urbana ABEEko ordezkari Joseba Ansola ere izan da, enpresa horrek zerbitzu honen prestazioan hobekuntza eskaini baitu.


Ekimen honek, Betolazaren ustez, profil solidario bat ere badu bere onuren artean, hauxe: «zenbait zati bilduta (tapoiak eta mugikorrak) herriko familia batzuei laguntzea, zeren biltzen dena familia horiei emango zaie dirua lor dezaten».


Gune mugikorra plazetan, parkeetan edo oinezkoen guneetan egongo da, eta gune mugikorraren kokapena astelehenean eta ostegunean aldatuko da, lehenengo orduan. Beraz, kokapen bakoitzean 3 - 4 egunean egongo da eta 24 orduan erabili ahal izango da. Hilabetearen hasieran hasiko da martxan, herriaren mendebaldetik, Aperribaitik, eta ekialderantz mugituko da. Ibilbidearen amaiera, Usansolo izango da.

 

Berriak

 

BOE Sustapenak
Lizitazioak
Subentzioak
Zure zain Hodei Egiluz