Ehun persona inguruk izena emon dabe Galdakaon eraikitako ortu ekologikoak erabili ahal izateko

2014/10/31

Guztira 94 personek emon dabe izena Galdakaoko udalak zabaldu dauan prozesuan, Egia auzoan eraikitako ortu ekologikoak erabili ahal izateko. Era berean, eguen honetako ohiko udalbatzaren osoko bilkurak erabilera horretako prezio publikoa onartu dau, partzelako eta urteko 62,50 euro.


Hemendik aurrera, udalak egiaztatuko dau aurkeztutako eskabide guztiok behar diran eskakizunak betetzen dabez (etxebizitza bakoitzeko eskabide bat baino gehiago ez egotea, esaterako). Aurreikusita dago azaroaren erdi aldera behin-behineko zerrenda argitaratuta egotea. Eskabideen kopurua eraiki diren partzelen kopurua baino gehiago izanik, zozketa egin beharko da urtea amaitu orduko.


Egiako inguruan udal titulartasuneko aisialdiko ortu ekologiko honeentzako jabetza publikoaren lurzorua lortu ahal izateko, hautatzeko, erabili eta gozatu ahal izateko irizpideak arautzeko, baldintza plegua erredaktatu da.


Ekimen honekin Galdakaon egokitzen diren lehen ortu ekologikoak ezarri dira, gizarteari beren barazkiak ekoizteko aukera emanez eta aisialdi eskaintza zabaldu eta aisialdi aktiboa sustatzeko xedearekin. Inbertxinoa 130.000 eurotakoa izan da.


Ekimen hau 2011ko irailaren 29ko udalbatzaren osoko bilkuran izan eban hasiera, PPk aurkeztutako mozioari, zuzenketa bat erantsita, EAJ-PNV, PSE-EE eta GB-EzAn udaltaldeek sostengua emon ostean. Mozio hori garapen iraunkorragaz eta horixe lortzeko ekintzakaz lotuta dago. Udalbatzak onetsi ondoren, proiektu bat agindu zan lan hori egiteko, 20.000 euro inguruko inbertsinoagaz.


Zehazki, Egiako auzoan 26 ortu eregi dira, udal jabetzako eremuan. Ortuok 40 eta 50 metro koadroko azalera daukie, eta euretako bi udalak beretzat gordeko dau helburu pedagogikoetarako.


Ekipamenduak daukan txabolatxoa hiru gunetan banatuta dago: Aldagela-komuna, gela-bulegoa eta tresna-biltegia.

 

Berriak

 

BOE Sustapenak
Ikastaroak
Lizitazioak
Subentzioak
Zure zain Hodei Egiluz